21 снежня, 2025

ПАЛАЖЭННЕ аб правядзенні Конкурсу канцэпцый рэформаў

21 снежня, 2025

ПАЛАЖЭННЕ

аб правядзенні Конкурсу канцэпцый рэформаў сярод удзельнікаў Кадравага Рэзэрва (2025–2026 гг.)

I. Агульныя палажэнні

Конкурс канцэпцый рэформаў (далей — Конкурс) праводзіцца кампаніяй «Кадравы Рэзэрв» у перыяд з снежня 2025 па чэрвень 2026 года.
Мэта Конкурсу — стымуляванне ўдзельнікаў Кадравага Рэзэрва да аналітычнага асэнсавання і распрацоўкі практычных прапаноў па рэформах у сістэме публічнага адміністравання Беларусі.
Арганізатарам Конкурсу з’яўляецца кампанія «Кадравы Рэзэрв», якая дзейнічае праз тэхнічную групу КР і Аргкамітэт.
Арганізацыйнае, арганізацыйна-метадычнае і працэсуальнае суправаджэнне Конкурсу ажыццяўляе Аргкамітэт, прызначаны Арганізатарам.

5. Аргкамітэт выконвае функцыі, звязаныя з агульнай каардынацыяй Конкурсу, ацэнкай прадстаўленых прац і падвядзеннем вынікаў.

6. Тэхнічная група КР выступае ўдзельнікам арганізацыйнай дзейнасці і забяспечвае асобныя арганізацыйныя, інфармацыйныя і тэхнічныя функцыі.

7. У гэтым Палажэнні выкарыстоўваюцца наступныя паняцці:

7.1. Аргкамітэт — калегіяльны орган, створаны Арганізатарам для арганізацыі і правядзення Конкурсу. Аргкамітэт ажыццяўляе метадычнае суправаджэнне, ацэнку прац і падвядзенне вынікаў.

7.2. Каманда ўдзельнікаў (Каманда) — група ў складзе не менш як трох чалавек: каардынатар і як мінімум два ўдзельнікі Кадравага Рэзэрва. Каманда з’яўляецца калектыўным аўтарам канцэпцыі рэформы.

7.3. Тэхнічная група КР — група, якая дзейнічае ад імя Кадравага Рэзэрва і забяспечвае арганізацыйную, інфармацыйную і тэхнічную падтрымку Конкурсу, у тым ліку:

• прыём і рэгістрацыю камандаў,

• апрацоўку рэгістрацыйных формаў,

• тэхнічнае суправаджэнне сайта і публікацыі матэрыялаў,

• камунікацыю з удзельнікамі па арганізацыйных пытаннях,

• узаемадзеянне з Аргкамітэтам.

II. Удзельнікі Конкурсу і фарміраванне камандаў

Да ўдзелу ў Конкурсе запрашаюцца ўсе ўдзельнікі Кадравага Рэзэрва, у тым ліку прадстаўнікі клубаў рэфарматараў, якія выказалі жаданне ўдзельнічаць у распрацоўцы канцэпцыі рэформы.
Удзел у Конкурсе ажыццяўляецца ў фармаце камандаў.
Каманда ўдзельнікаў павінна складацца не менш як з трох асоб.
Каманда можа прыцягваць да працы запрошаных экспертаў або кансультантаў, але асноўны склад (каардынатар + мінімум 2 ўдзельнікі) абавязкова павінен прадстаўляць Кадравы Рэзэрв.
Пажадана, каб фарміраванне камандаў адбывалася на аснове тэрытарыяльнай прыналежнасці (удзельнікі аднаго клуба або рэгіёна).
У выключных выпадках дапускаецца экстэрытарыяльны прынцып, калі каманда фарміруецца з удзельнікаў, якія знаходзяцца ў розных рэгіёнах або краінах, калі гэта апраўдана тэмай або кампетэнцыямі.
Арганізатар (тэхнічная група КР) можа аказваць камандам арганізацыйнае садзейнічанне, у тым ліку дапамогу ў падборы ўдзельнікаў і каардынатараў.
Для ўдзелу ў Конкурсе Каманда павінна прайсці анлайн-рэгістрацыю праз афіцыйную форму на сайце Кадравага Рэзэрва.
Рэгістрацыя Камандаў ажыццяўляецца тэхнічнай групай КР і павінна быць завершана да 15 студзеня 2026 года.
Каманды, якія не прайшлі рэгістрацыю ў вызначаны тэрмін, да ўдзелу ў Конкурсе не дапускаюцца.
Пасля завяршэння рэгістрацыі Каманды атрымліваюць ад тэхнічнай групы:

• пацвярджэнне ўдзелу,

• інфармацыйны пакет (палажэнне, патрабаванні да структуры працы, формы дакументаў),

• кантакты для арганізацыйнай і метадычнай падтрымкі.

III. Этапы правядзення Конкурсу

Конкурс праводзіцца ў пяць асноўных этапаў:

1. Этап I — Фармаванне і рэгістрацыя камандаў

Перыяд: 23 снежня 2025 – 22 студзеня 2026

• Каманды самастойна фарміруюцца з удзельнікаў Кадравага Рэзэрва.

• Тэхнічная група КР аказвае дапамогу ў фарміраванні камандаў і адказвае на арганізацыйныя пытанні.

• Рэгістрацыя Камандаў ажыццяўляецца ў тэрміны, вызначаныя ў раздзеле II гэтага Палажэння.

2. Этап II — Распрацоўка канцэпцый рэформаў

Перыяд: 23 студзеня – 31 сакавіка 2026

• Каманды распрацоўваюць канцэпцыі рэформаў у адпаведнасці з тэматычнымі і структурнымі патрабаваннямі.

• Аргкамітэт і тэхнічная група забяспечваюць арганізацыйную і метадычную падтрымку, уключаючы:

• доступ да экспертаў (пры наяўнасці),

• прадастаўленне інфармацыйных матэрыялаў,

• тэхнічныя кансультацыі.

3. Этап III — Папярэдняя ацэнка і допуск да публікацыі

Перыяд: 1 – 15 красавіка 2026

• Аргкамітэт праводзіць папярэднюю ацэнку прац на адпаведнасць фармальным патрабаванням.

• Працы, якія адпавядаюць патрабаванням, дапускаюцца да публікацыі на сайце Кадравага Рэзэрва.

• Каманды атрымліваюць зваротную сувязь (пры неабходнасці — кароткія заўвагі па афармленні).

4. Этап IV — Публікацыя і публічнае абмеркаванне прац

Перыяд: 16 красавіка – 31 мая 2026

• Публікацыя канцэпцый на сайце Кадравага Рэзэрва.

• Удзельнікі КР могуць пакідаць каментары, заўвагі і пытанні да прадстаўленых прац.

• Узровень зацікаўленасці (колькасць і якасць каментароў) улічваецца Аргкамітэтам пры фінальнай ацэнцы.

5. Этап V — Фінальная ацэнка і падвядзенне вынікаў

Перыяд: 1 – 15 чэрвеня 2026

• Аргкамітэт праводзіць фінальную ацэнку прац паводле ўстаноўленай бальнай сістэмы.

• Вызначаюцца 6 пераможных Камандаў і, пры неабходнасці, уладальнікі спецыяльных узнагарод.

• Падвядзенне вынікаў і афіцыйнае абвяшчэнне пераможцаў адбудзецца 15 чэрвеня 2026 года.

IV. Патрабаванні да прац і тэматыкі канцэпцый

1. Канцэпцыі, якія прадстаўляюцца на Конкурс, павінны адпавядаць тэматыцы рэформы сістэмы публічнага адміністравання ў шырокім разуменні, уключаючы, але не абмяжоўваючыся наступнымі сферамі:

• дзяржаўнае кіраванне на нацыянальным і рэгіянальным узроўнях;

• мясцовае самакіраванне;

• сістэма аказання дзяржаўных паслуг (адукацыя, ахова здароўя, сацыяльная падтрымка, дзяржаўныя СМІ, дзяржаўныя прадпрыемствы і інш.);

• адміністрацыйныя працэдуры;

• дзяржаўная служба і кадравая палітыка;

• лічбавізацыя і электронныя паслугі;

• антыкарупцыйныя механізмы;

• кіраванне публічнымі фінансамі;

• рэформы ў асобных сектарах (культура, спорт, транспарт, інфраструктура і інш.), калі яны маюць выразны кампанент публічнага адміністравання.

2.Канцэпцыя павінна ўтрымліваць аналітычны і практычны кампанент, уключаючы:

• дакладнае вызначэнне праблемы;

• аналіз яе прычын і наступстваў;

• апісанне сучаснай сітуацыі ў Беларусі і яе слабых бакоў;

• агляд паспяховых міжнародных кейсаў (1–3 прыклады) з абгрунтаваннем магчымасці іх адаптацыі;

• прапанаваную мадэль рэформы;

• рэкамендацыі, этапы рэалізацыі, магчымыя бар’еры і рызыкі.

3.Праца павінна мець выразную і лагічную структуру. Рэкамендаваная структура наводзіцца ў Дадатку №1 да гэтага Палажэння.

4. Асноўная мова прадстаўлення прац — беларуская.

Прэзентацыйныя матэрыялы могуць быць на беларускай або англійскай мове.

5. Працы прадстаўляюцца ў пісьмовай форме:

• фармат: .docx або .pdf;

• шрыфт: Times New Roman або іншы стандартны;

• рэкамендаваны аб’ём: да 10 старонак асноўнага тэксту (без дадаткаў).

6. Да пісьмовай працы пажадана дадаць прэзентацыю (PowerPoint або аналагічны фармат), якая каротка адлюстроўвае ключавыя элементы канцэпцыі.

7. Канцэпцыі павінны быць самастойнай працай Каманды і не павінны змяшчаць матэрыялы з парушэннем правоў трэціх асоб.

8. Падаючы канцэпцыю, Каманда:

• пацвярджае, што з’яўляецца аўтарамі пададзенай працы;

• перадае арганізатару правы на выкарыстанне і распаўсюджанне канцэпцыі ў адукацыйных, даследчых і арганізацыйных мэтах, пры абавязковым захаванні пазначэння аўтарства;

• згаджаецца з тым, што канцэпцыя можа быць апублікавана на сайце Кадравага Рэзэрва.

9. Канцэпцыі, якія не адпавядаюць фармальным патрабаванням дадзенага раздзела, могуць быць не дапушчаныя да ўдзелу па рашэнні Аргкамітэта.

V. Парадак ацэнкі канцэпцый і вызначэння пераможцаў

Ацэнка прац праводзіцца Аргкамітэтам у два этапы:

папярэдняя (фармальная) ацэнка — праверка адпаведнасці патрабаванням раздзела IV і Дадатку №1;
фінальная ацэнка — выстаўленне балаў і вызначэнне пераможцаў на падставе крытэрыяў, указаных ніжэй.

Максімальная колькасць балаў, якую можа атрымаць Канцэпцыя, складае 75 балаў:

– да 50 балаў за змест і прадстаўленне канцэпцыі;

– да 15 балаў за ўзровень публічнага абмеркавання;

– да 10 балаў за дадатковыя крытэры.

Ацэнка зместу і прадстаўлення (максімум 50 балаў)

Аргкамітэт ацэньвае наступныя элементы:

– актуальнасць абранай праблемы — да 10 балаў;

– якасць аналітычнай часткі (глыбіня аналізу, абгрунтаванасць высноў, выкарыстанне крыніц) — да 10 балаў;

– параўнальны аналіз і падабраныя міжнародныя кейсы — да 10 балаў;

– практычная рэалізуемасць прапаноў (этапы, інструменты, рэсурсы, лагічнасць мадэлі рэформы) — да 10 балаў;

– якасць структуры, лагічнасць выкладу і прадстаўленне працы, у тым ліку наяўнасць прэзентацыі — да 10 балаў.

Ацэнка ўзроўню абмеркавання (максімум 15 балаў)

Падчас публікацыі на сайце Кадравага Рэзэрва ацэньваюцца:

– колькасць каментароў ад удзельнікаў КР — да 6 балаў;

– актыўнасць Каманды ў адказах на каментары, якасць дыскусіі і гатоўнасць да ўдакладненняў — да 6 балаў;

– агульны ўзровень цікавасці да тэмы (прагляды, абмеркаванне, уцягнутасць супольнасці) — да 3 балаў.

Дадатковыя крытэры (максімум 10 балаў)

Аргкамітэт можа прысудзіць дадатковыя балы за:

– унікальнасць складу Каманды (калі адны і тыя ж асобы не ўваходзяць у некалькі камандаў) — да 4 балаў;

– фарміраванне Каманды на тэрытарыяльным прынцыпе — да 4 балаў;

– выкананне дадатковых фармальных патрабаванняў (своечасовасць рэгістрацыі, акуратнае афармленне, адпаведнасць структуры і мове) — да 2 балаў.

Парадак вызначэння пераможцаў

Пасля падліку балаў Аргкамітэт фарміруе агульны рэйтынг Камандаў.
Пераможцамі становяцца 6 Камандаў, якія набралі найбольшую колькасць балаў.
Аргкамітэт можа прысудзіць спецыяльныя ўзнагароды за асобныя дасягненні або выдатную якасць працы.
У выпадку роўнай колькасці балаў перавага аддаецца Камандзе з больш высокімі паказчыкамі па блоку «Змест і прадстаўленне», а пры неабходнасці — па блоку «Абмеркаванне».
Рашэнні Аргкамітэта з’яўляюцца канчатковымі і абскарджанню не падлягаюць, за выключэннем працэдуры апеляцыі, прадугледжанай у адпаведным раздзеле Палажэння.

VI. Вынікі Конкурсу і ўзнагароды

1. Па выніках фінальнай ацэнкі Аргкамітэт фарміруе агульны рэйтынг Камандаў, зыходзячы з сумы балаў, атрыманых па крытэрыях раздзела V.

2. Пераможцамі Конкурсу становяцца шэсць (6) Камандаў, якія набралі найбольшую колькасць балаў. Аргкамітэт можа прыняць рашэнне аб прысуджэнні спецыяльных узнагарод (напрыклад, за арыгінальнасць падыходу, сацыяльную значнасць тэмы, лепшую прэзентацыю і інш.).

3. Аргкамітэт афіцыйна абвяшчае вынікі Конкурсу 15 чэрвеня 2026 года.

Вынікі публікуюцца на сайце Кадравага Рэзэрва.

Публікацыя імёнаў аўтараў адбываецца толькі за іх асабістай згодай з улікам патрабаванняў бяспекі.

4. Кожная Каманда-пераможца атрымлівае ганарар у памеры 450 еўра (брута) за распрацоўку канцэпцыі рэформы.

Выплата афіцыйна ажыццяўляецца аднаму прадстаўніку Каманды — каардынатару або іншай прызначанай асобе.

5. Размеркаванне атрыманых сродкаў паміж членамі Каманды вызначаецца самастойна ўнутры Каманды і не рэгулюецца гэтым Палажэннем.

6. Арганізатар (Кадравы Рэзэрв) можа прапанаваць пераможцам дадатковыя магчымасці:

– прэзентацыя канцэпцыі ў рамках падзей Кадравага Рэзэрва;

– прадстаўленне распрацовак партнёрскім арганізацыям;

– удзел у далейшым развіцці прапанаваных рэформаў.

7. Парадак перадачы і выкарыстання правоў на канцэпцыю вызначаецца пунктам IV.8 гэтага Палажэння. Арганізатар можа выкарыстоўваць канцэпцыі ў наступных мэтах:

– у адукацыйнай, аналітычнай і методыка-даследчай дзейнасці;

– у камунікацыі з партнёрскімі арганізацыямі;

– у развіцці праграм Кадравага Рэзэрва;

– пры абавязковым захаванні пазначэння аўтарства.

8.Падаючы працу на Конкурс, Каманда пацвярджае згоду з умовамі гэтага раздзела і дае дазвол на выкарыстанне канцэпцыі ў мэтах, указаных вышэй.

VII. Парадак падачы апеляцый

Удзельнікі Конкурсу маюць права падаць апеляцыю, калі яны не згодныя з рашэннем Аргкамітэта адносна:

– выніковай колькасці балаў;

– выніковага месца Каманды ў рэйтынгу;

– рашэння аб недапуску да ўдзелу (па выніках фармальнай ацэнкі).

Апеляцыя падаецца ў пісьмовай форме праз электронную пошту на адрас тэхнічнай групы Кадравага Рэзэрва.
Апеляцыя павінна быць пададзеная на працягу 7 каляндарных дзён з даты публікацыі вынікаў Конкурсу або паведамлення аб недопуску працы.
Аргкамітэт абавязаны разгледзець апеляцыю і даць матываваны адказ на працягу 14 каляндарных дзён з моманту яе атрымання.
Пры разглядзе апеляцыі Аргкамітэт можа:

– пацвердзіць папярэдняе рашэнне;

– пералічыць балы на падставе дадаткова прадстаўленых аргументаў;

– змяніць рашэнне аб допуску працы;

– прызначыць дадатковую праверку па асобных аспектах.

Рашэнне Аргкамітэта па выніках апеляцыі з’яўляецца канчатковым і не падлягае далейшаму абскарджанню.

VIII. Заключныя палажэнні

1. Арганізатар (Кадравы Рэзэрв) пакідае за сабой права:

– уносіць змяненні ў тэрміны правядзення Конкурсу;

– удакладняць тэхнічныя патрабаванні;

– карэктаваць умовы Конкурсу пры неабходнасці.

Усе змяненні аператыўна публікуюцца на сайце Кадравага Рэзэрва.

2. Змены, унесеныя ў Палажэнне, не могуць пагаршаць умовы ўдзелу для Камандаў, якія ўжо падалі свае працы.

3. У выпадках, не вызначаных гэтым Палажэннем, канчатковыя рашэнні прымае Аргкамітэт у межах сваёй кампетэнцыі.

4. Падаючы заяўку на ўдзел у Конкурсе і прадстаўляючы канцэпцыю, Каманда:

– пацвярджае азнаямленне з гэтым Палажэннем;

– згаджаецца з яго ўмовамі;

– дае згоду на апрацоўку прадстаўленых матэрыялаў у мэтах правядзення Конкурсу.

5. Гэтае Палажэнне ўступае ў сілу з моманту яго апублікавання на сайце Кадравага Рэзэрва і дзейнічае да завяршэння Конкурсу.

ДАДАТАК №1
да Палажэння аб правядзенні Конкурсу канцэпцый рэформаў

сярод удзельнікаў Кадравага Рэзэрва (2025–2026 гг.)

Патрабаванні да структуры, зместу і афармлення канцэпцый рэформаў

1. Агульныя патрабаванні

1.1. Канцэпцыя павінна быць падрыхтаваная Камандай і прадстаўлена ў пісьмовай форме (.docx або .pdf).

1.2. Асноўная мова — беларуская.

1.3. Рэкамендаваны аб’ём асноўнага тэксту — да 10 старонак (без дадаткаў).

1.4. Каманды могуць дадаваць дадатковыя аналітычныя матэрыялы ў дадатках (табліцы, графікі, інфаграфіка).

1.5. Жадана таксама падаць прэзентацыю (PowerPoint або аналаг) аб’ёмам 8–15 слайдаў.

1.6. Канцэпцыя павінна быць самастойнай працай Каманды, без парушэння аўтарскіх правоў.

2. Рэкамендаваная структура канцэпцыі

Структура можа адаптавацца Камандамі, але ўсе элементы, пазначаныя ніжэй, абавязкова павінны быць адлюстраваныя.

2.1. Тытульная старонка

Утрымлівае:

1. назву канцэпцыі;
2. назву Каманды (можа быць тэматычная);

3. склад Каманды (па жаданні могуць пазначацца пазіцыі “Удзельнік 1, Удзельнік 2” для бяспекі);

4. указанне, што праца падрыхтаваная для Конкурсу Кадравага Рэзэрва;

5. кантакт каардынатара (электронная пошта).

2.2. Кароткае рэзюмэ (Executive Summary) — 0,5–1 старонка

Павінна ўтрымліваць:

сутнасць праблемы;
асноўныя высновы аналітычнай часткі;
сутнасць прапанаванай рэформы;
ключавыя аргументы, чаму прапанова мае значэнне;
чаканы эфект.

Мэта: дазволіць зразумець канцэпцыю за 1 хвіліну без чытання ўсяго дакумента.

2.3. Апісанне праблемы — 1–2 старонкі

Уключае:

фармулёўку праблемы ў беларускім кантэксце;
маштаб і значнасць праблемы для грамадства / дзяржавы;
каго і як закранае праблема (групы карыстальнікаў, інстытуты);
абгрунтаванне, чаму існуючы стан патрабуе зменаў.

2.4. Аналітычная частка: прычыны, фактары, наступствы — 2–3 старонкі

Павінна ўтрымліваць:

глыбокі аналіз першапрычын;
пералік сістэмных фактараў, што падтрымліваюць праблему (арганізацыйныя, палітычныя, рэсурсныя);
агляд прававой або інстытуцыйнай базы (пры неабходнасці);
слабасці існуючай мадэлі (сённяшні стан у Беларусі);
наступствы для для розных груп і сфер (дзяржаўнай палітыкі, грамадзян, бізнесу, рэгіёнаў і інш).

2.5. Параўнальны аналіз: міжнародныя кейсы — 1–2 старонкі

1–3 прыклады з краін, якія прапануюць паспяховую, устойлівую або інавацыйную мадэль;
ключавыя механізмы, якія могуць быць адаптаваныя;
умовы, пры якіх гэты прыклад можа працаваць у Беларусі;
рызыкі «пераносу» мадэлі без адаптацыі.

Важна: міжнародная практыка павінна быць не проста апісаная, а звязана з беларускім кантэкстам.

2.6. Прапанаваная канцэпцыя рэформы — 2–3 старонкі

Гэта асноўны блок, які будзе ацэньвацца Аргкамітэтам.

Павінна быць апісана:

Мэта рэформы — ясна і каротка;
Задачы рэформы — 3–7 канкрэтных пунктаў;
Мадэль рэформы:

– ключавыя элементы;

– крокі, якія патрабуюць змяненняў;

– механізмы рэалізацыі;

Этапы ўкаранення:

– кароткатэрміновыя (0–1 год);

– сярэднетэрміновыя (1–3 гады);

– доўгатэрміновыя (3–5 гадоў і далей).

Рэсурсы, патрэбныя для рэалізацыі (чалавечыя, арганізацыйныя, тэхналагічныя).
Чаканыя вынікі і паказчыкі эфектыўнасці (KPI).

2.7. Рызыкі і перашкоды

палітычныя, арганізацыйныя, прававыя, фінансавыя рызыкі;
рызыкі, звязаныя з нізкай кампетэнтнасцю інстытуцый, недаверам грамадзян, адсутнасцю дадзеных;
прапановы па мінімізацыі рызык.

2.8. Заключэнне: рэкамендацыі