Skip to main content

Навучальная праграма ад Усходнееўрапейскай школы палітычных даследаванняў

Усходнееўрапейская школа палітычных даследаванняў (УШПД) сумесна з Радай Еўропы аб’яўляе конкурс на удзел у праграмедля грамадзян Рэспублікі Беларусь і прадстаўнікоў беларускай дыяспары.

 Заняткі будуць праводзіцца ў выглядзе трох сесій:

  • 12–13 мая, Вільня;
  • 17–20 чэрвеня, Будапешт;
  • 21–24 верасня, Вільня ці Варшава.

Апошняе мерапрыемства плануецца 6–8 лістапада ў Страсбургу (Сусветны Форум за дэмакратыю).

Паміж сесіямі плануецца правядзенне дыскусій, даследчых праграм і мерапрыемстваў па распаўсюджванні атрыманых ведаў. Удзел у кожнай сесіі з’яўляецца абавязковай умовай для ўдзелу ў Сусветным форуме за дэмакратыю.  Тыя, хто паспяхова пройдуць курс навучання, атрымаюць дыплом Рады Еўропы.

У тэматыку заняткаў уваходзяць пытанні міжнароднай бяспекі, сацыяльна-эканамічнага і палітычнага развіцця Беларусі і іншых краін, рэформ і трансфармацый у розных краінах, еўрапейскай інтэграцыі і еўрапейскіх каштоўнасцяў. Удзельнікам будуць прапанаваны інтэрактыўныя метады працы, якія спрыяюць асабістаму развіццю. У якасці выкладчыкаў выступяць эксперты з ЕС, Беларусі і іншых краін.

 Да ўдзелу запрашаюцца ва ўзросце да 35 гадоў:

  • прадстаўнікі дзяржаўных выбарных і адміністрацыйных органаў, дзяржаўных устаноў;
  • прадстаўнікі недзяржаўнага сектара эканомікі, грамадскіх аб’яднанняў;
  • дзеячы навукі і адукацыі;
  • журналісты;
  • палітыкі, палітолагі;
  • эканамісты, юрысты, якія маюць значныя дасягненні ў прафесійнай і грамадскай дзейнасці. Як правіла, для ўдзелу неабходна мець вышэйшую адукацыю.

Анкету на ўдзел можна запоўніць да 10 красавіка.

Падрабязней пра праграму чытайце тут

 

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.