Цыкл лекцый пра Германію для ўдзельнікаў «Кадравага Рэзерву».

14 верасня пачынаем новы цыкл лекцый пра Германію для ўдзельнікаў «Кадравага Рэзерву».

Кампанія «Кадравы Рэзерв» у межах супрацоўніцтва з нямецкімі партнёрамі запускае цыкл анлайн-лекцый «Дзяржаўнае кіраванне ў Германіі паміж дэмакратыяй, эканомікай і грамадскімі зменамі».

Шэсць вэбінараў з нямецкімі экспертамі дапамогуць сістэмна разабрацца, як працуе нямецкая дзяржава, як прымаюцца рашэнні на розных узроўнях і як сістэма дзяржаўнага кіравання рэагуе на сучасныя грамадскія, эканамічныя і геапалітычныя выклікі.

14 верасня — першы вэбінар: «Як функцыянуе Германія? Палітычная сістэма, дзяржаўнае кіраванне і дэмакратыя»

Пагаворым пра палітычную сістэму Германіі, размеркаванне паўнамоцтваў паміж федэрацыяй, землямі і муніцыпалітэтамі, заканадаўчы працэс, прыняцце рашэнняў, ролю палітычных партый і лічбавізацыю дзяржаўнага кіравання.

Тэмы наступных вебінараў:

▪️ міграцыя, інтэграцыя і грамадская згуртаванасць;
▪️ дэмаграфічныя змены і будучыня сацыяльнай дзяржавы;
▪️ дзяржава, эканоміка, канкурэнтаздольнасць і інавацыі;
▪️ энергетычная і кліматычная палітыка, устойлівае развіццё;
▪️ Германія ў Еўропе і свеце: ЕС, НАТА, гандаль, Расія, Кітай і геапалітычныя выклікі.

Лекцыі праводзяць нямецкія эксперты з навуковым і практычным досведам.

Хочаце далучыцца да лекцый, адукацыйных праграм і іншых магчымасцей кампаніі? Станьце ўдзельнікам «Кадравага Рэзерву» https://pr-belarus.org/be/apply-by